ცნობილი გერმანელი დიჯეი „ბასიანს“ მხარდაჭერას უცხადებს.

„ბასიანი“, გამაგრდი! მხარს გიჭერთ ბერლინიდან“, -წერს Ben Klock

Ben Klock გერმანელი DJ და პროდიუსერია, თანამედროვე ელექტრონული მუსიკის ისტორიაში უკვე შესულია როგორც ტექნო სცენის ერთ-ერთი ყველაზე მნიშვნელოვანი ფიგურა. 

რუსთაველის გამზირზე საპროტესტო აქცია 13 მაისს, 15:00 საათზე განახლდება, - ამის შესახებ ერთ-ერთმა ორგანიზატორმა ბაია პატარაიამ განაცხადა. „ვისაც შეგიძლიათ დარჩით და, როდესაც მეტი ხალხი მოვა, მათ დავხვდებით", - თქვა პატარაიამ. 

„ვიცით, რომ ძალადობრივი სისტემა სისტემა დღეს არ დასრულდება, მაგრამ თუ ჩვენ არ დავიშლებით, აქციებს გავაგრძელებთ, ხელისუფლება იძულებული იქნება, მიიღოს გარკვეული ზომები. იძულებული იქნება, ეს ძალადობრივი პოლიტიკა შეცვალოს. ჩვენი ბრძოლა გაგრძელდება გამარჯვებამდე", - ამბობს პატარაია.

რუსთაველის გამზირზე მრავალათასიან აქციაზე შეკრებილები 12 მაისს ღამის კლუბებში ჩატარებულ სპეცოპერაციას აპროტესტებენ.