„ქართული მარში“ და „ქართული იდეა“ თანამოაზრეებთან ერთად 14 მაისს რუსთაველზე შეკრებილი მოქალაქეების საწინააღმდეგოდ გამოსვლას გეგმავენ. ყოფილმა პარლამენტარმა დიმიტრი ლორთქიფანიძემ განაცხადა, რომ რთული იყო მათი გაერთიანების გადაწყვეტილება, მაგრამ „ჟამთა სიავის“ გამო ეს ერთობა შედგა და 14 მაისს ისინი რუსთაველზე მსვლელობას გეგმავენ.

„ჟამთა სიავეს ქართული საზოგადოება არაერთგზის გაუერთიანებია ჩვენი ხანგრძლივი ისტორიის განმავლობაში. მე ძალიან კარგად ვიცი, რაოდენ დიდია თქვენი მოლოდინი ჩვენ მიერ მიღებულ გადაწყვეტილებაზე. რთულმა მდგომარეობამ, რაც გამოწვეულია ნარკოპროპაგანდისტების, სოდომისტების და რეაქციონერი ძალების ურთიერთშეთანხმებით გამოიწვია ჩვენი დედაქალაქის ცენტრის პარალიზება, ამიტომ მივიღეთ გადაწყვეტილება და ერთობა შედგა“, - თქვა დიმიტრი ლორთქიფანიძემ.

„ქართული მარში“ თანამოაზრეებთან ერთად მსვლელობას ორშაბათს 14:00 საათზე ფილარმონიიდან დაიწყებს. „ვიკრიბებით სრულიად ერი და ბერი. რომ მსვლელობით მივიდეთ რუსთაველის გამზირზე, რადგან შემდეგში საზეიმოდ შევძლოთ დიდი საუფლო დღესასწაულის ამაღლების ჩატარება 17 მაისს“, - განაცხადა დიმიტრი ლორთქიფანიძემ.

„ლიბერალი“ ემიჯნება დისკრიმინაციულ და ჰომოფობიურ განცხადებებს.