პარლამენტს შინაგან საქმეთა მინისტრის, გიორგი გახარიას წერილობითი მოთხოვნა წარედგინა, 18 მაისის სხდომაზე მოსმენის შესახებ. 18 მაისის სესიაზე მინისტრის მოსმენა პარლამენტის რეგლამენტის 207-ე მუხლის შესაბამისად გაიმართება.
როგორც პარლამენტის ბიუროს სხდომაზე პარლამენტის პირველმა ვიცე-სპიკერმა, თამარ ჩუგოშვილმა განმარტა, მინისტრის მიმართვის შემდეგ გაიმართება კითხვა-პასუხი (დებატები), შემდეგ დამაზუსტებელი გამოსვლები, ბოლოს კი დეპუტატები უმრავლესობის, უმცირესობისა და ფრაქციების ფორმატში გამოვლენ, რის შემდეგაც დასკვნითი სიტყვით პარლამენტს კვლავ მინისტრი მიმართავს.
ბიუროს გადაწყვეტილებით, მოსმენა გაიმართება 18 მაისის პლენარულ სხდომაზე. შსს-ს მინისტრის მომართვის საფუძველზე, მოსმენა გაიმართება სამ საკითხზე:
- 2018 წელს შსს-ს მიერ გაწეული სამუშაოს შედეგების შესახებ;
- შსს-ში მიმდინარე და დაგეგემილი რეფორმების შესახებ;
- 2018 წლის 12 მაისს კლუბ „ბასიანსა“ და „გალერიში“ ჩატარებული საგამოძიებო მოქმედებების შესახებ.
