რუსეთის პრეზიდენტმა, ვლადიმირ პუტინმა რუსეთსა და ყირიმს შორის დამაკავშირებელი ხიდი გახსნა. ქერჩის სრუტეში 19-კილომეტრიანი ხიდის აგება რუსეთის ხელისუფლებას 3.9 მილიარდი დოლარი დაუჯდა. პუტინი ანექსირებულ ნახევარკუნძულთან სახმელეთო გზით დაკავშირებას „საუკუნის მშენებლობად“ აფასებს.
რუსი ექსპერტები ვარაუდობენ, რომ ახალი ხიდის მეშვეობით, ანექსირებულ ყირიმსა და რუსეთს შორის ყოველწლიურად მილიონობით ადამიანი და მილიონობით ტონა ტვირთი გაივლის. ხიდის გახსნის ცერემონიაზე, სიმბოლურად, პუტინი ფორთოხლისფერ კამაზში ჩაჯდა.
„ამ ხიდის გახსნაზე ოცნებობდნენ სხვადასხვა ეპოქაში, მეფეთა დროსაც კი. შემდეგ 30, 40, 50-იან წლებში. ახლა კი თქვენი მეშვეობით ეს ოცნება ახდა“, - მიმართა რუსეთის პრეზიდენტმა მუშებს.
ხიდის გახსნას აპროტესტებს კიევი. უკრაინის საგარეო საქმეთა მინისტრმა განცხადება გაავრცელა, რომლითაც დაგმო რუსეთის ქმედებები და მას საერთაშორისო ნორმების დარღვევად აფასებს.
„რუსეთის ასეთი მოქმედებები ფუნდამენტურ წინააღმდეგობაში მოდის საერთაშორისო კანონმდებლობასთან. უხეშად არღვევს გაეროს 1982 წლის კონვენციას ზღვის შესახებ და უკრაინის სუვერენიტეტს“, - ნათქვამია უკრაინის საგარეო საქმეთა სამინისტროს განცხადებაში.
ყირიმის ანექსიის გამო, რუსეთს დასავლეთმა სანქციები 2014 წელსვე დაუწესა. 2016 წელს აშშ-მა სანქციები კიდევ უფრო გაზარდა. ყირიმის ნახევარკუნძულს საერთაშორისო საზოგადოება უკრაინის ნაწილად მიიჩნევს და მოუწოდებს რუსეთის ხელისუფლებას, უარი თქვას უკრაინის სუვერენიტეტის შელახვაზე.
Read more on UNIAN: https://www.unian.info/politics/10117850-ukraine-protests-against-launch-of-kerch-strait-bridge-in-russian-occupied-crimea.html
Read more on UNIAN: https://www.unian.info/politics/10117850-ukraine-protests-against-launch-of-kerch-strait-bridge-in-russian-occupied-crimea.htm
Read more on UNIAN: https://www.unian.info/politics/10117850-ukraine-protests-against-launch-of-kerch-strait-bridge-in-russian-occupied-crimea.h
Read more on UNIAN: https://www.unian.info/politics/10117850-ukraine-protests-against-launch-of-kerch-strait-bridge-in-russian-occupied-crimea.htm
Read more on UNIAN: https://www.unian.info/politics/10117850-ukraine-protests-against-launch-of-kerch-strait-bridge-in-russian-occupied-crimea.html