დღეს ფაშისტური მოძრაობა „საქართველოს ეროვნული ერთობა“ რუსთაველის გამზირზე მსვლელობას მართავს. ორგანიზაციის წევრის, ბექა ლოლაშვილის თქმით, ისინი აპირებენ, შეუერთდნენ ქართველი ქრისტიანების მსვლელობას ოჯახის სიწმინდის დღეს.
მსვლელობის დაწყებისას პოლიციამ გამოსაკითხად გადაიყვანა ორგანიზაციის ორი წევრი - თორნიკე ვაშაკიძე და პეტრე ღუტიძე. „რაც შეეხება ჩვენს მცირე რაოდენობას, ეს უკავშირდება იმას, რომ მიმდინარეობს რეპრესიები. აქციიდან წეღან ორი კაცი, ორი ლიდერი ყოველგვარი ახსნა-განმარტების გარეშე ჩასვა პოლიციამ და წაიყვანა.
დღის ფოტო ► ფაშისტები და ტურისტები რუსთაველზე
ჩვენ ამ რეპრესიებს ვუკავშირებთ იმას, რომ სათანადო პასუხი გავეცით ყველას, ყველა ანტიქართველს, მაგრამ „საქართველოს ეროვნული ერთობა“ არ დგას სამ კაცზე. ჩვენ მეთაურების გარეშეც შეგვიძლია გამოსვლა“, - თქვა ბექა ლოლაშვილმა.
