წვევამდელების ფიცის დადების საზეიმო ცერემონია წელს, ერთდროულად 6 ადგილას - თბილისში, შინდისში, ვარძიაში, კოჯორში-ქოროღლის ციხესთან, ბათუმსა და გელათში იმართება.
ფიცის დადების ცერემონიაზე, ერთი საჯარისო ნაწილი წარმოდგენილი იქნება საქართველოს პირველი დემოკრატიული რესპუბლიკის რიგითი ჯარისკაცების ფორმებითა და აღჭურვილობით, რომელიც მკვლევარების დახმარებით აღდგა.
ღონისძიებაზე სიტყვით გამოვლენ: საქართველოს პრეზიდენტი გიორგი მარგველაშვილი; საქართველოს პრემიერ-მინისტრი გიორგი კვირიკაშვილი; საქართველოს პარლამენტის თავმჯდომარე ირაკლი კობახიძე; საქართველოს თავდაცვის მინისტრი ლევან იზორია; სომხეთის რესპუბლიკის პრეზიდენტი არმენ სარქისიანი; ფინეთის რესპუბლიკის პრეზიდენტი საული ნიინისტო; ლატვიის რესპუბლიკის პრეზიდენტი რაიმონდს ვეიონისი; ლიტვის პრეზიდენტი დალია გრიბაუსკაიტე; პოლონეთის რესპუბლიკის პრეზიდენტი ანდჟეი დუდა და სლოვაკეთის პრეზიდენტი ანდრეი კისკა.