პარლამენტის წინ მიმდინარე აქციაზე, აქციის ერთ-ერთი ორგანიზატორის, ზვიად კუპრავას თქმით, ზაზა სარალიძეს დაურეკეს საზოგადოებრივი მაუწყებლიდან, რომ ფილმის გაშვებისთვის საჭირო იყო მისი მისვლა საზოგადოებრივ მაუწყებელში. ამ ინფორმაციას საზოგადოებრივ მაუწყებელში არ ადასტურებენ.
საზოგადოებრივი მაუწყებლის მენეჯმენტის ინფორმაციით, ფილმი, რომელზეც ზვიად კუპრავა საუბრობდა და, რომელიც შეიძლება, ხორავას ქუჩაზე მომხდარ მოვლენებს უკავშირდებოდეს, ამ წუთისთვის მზა სახით არ არსებობს.
საზოგადოებრივი მაუწყებელი აცხადებს, რომ არ ჰქონია კომუნიკაცია ზაზა სარალიძესთან და თუ ვინმე დაუკავშირდა მას საზოგადოებრივი მაუწყებლის სახელით, ამაზე არხი პასუხისმგებლობას ვერ იღებს.