საოკუპაციო ხაზის უკანონო გადაკვეთის ბრალდებით, ქარელის რაიონში სასულიერო პირი დააკავეს.
„ლიბერალთან" საუბარში საპატრიარქო დირბის წმინდა გიორგის სახელობის მამათა მონასტრის წინამძღოლის, იოანეს (ერობაში ნიკოლოზ ოხანაშვილის) დაკავებას ადასტურებს.
„ტელეფონი და მანქანა აქეთ აქვს დატოვებული. როგორც ჩანს, მღვდელმსახურებისთვის გადავიდა და დააკავეს. დეტალებს ვარკვევთ", - უთხრეს „ლიბერალს" საპატრიარქოში.
„ლიბერალს“ პირის დაკავების შესახებ ინფორმაცია საქართველოს სახელმწიფო უსაფრთხოების სამსახურშიც დაუდასტურეს.
„დაკავებულია ე.წ. საზღვრის უკანონო გადაკვეთის ბრალდებით. ფაქტის შესახებ ინფორმირებულია ევროკავშირის სადამკვირვებლო მისია, ამოქმედებულია ცხელი ხაზი“, - განაცხადეს სუს-ში.
