„პატრიოტთა ალიანსის“ წევრმა, ადა მარშანიამ ხორავას ქუჩაზე მომხდარი მკვლელობის საქმეზე შემქნილი დროებითი საგამოძიებო კომისია დატოვა. როგორც მას დღევანდელ სხდომაზე განმარტა, ამის მიზეზი „ნაციონალური მოძრაობის“ წევრების უმრავლესობაში ყოფნაა. თუმცა აღსანიშნავია, რომ კომისიის შემადგენლობაში არა „ნაციონალური მოძრაობის“ არამედ „ევროპული საქართველოს“ წევრები არიან უმრავლესობაში.
„იქ, სადაც „ნაციონალური მოძრაობა“ უმრავლესობით ზის, ჩვენ იმ კომისიაში ვერ ვიჯდებით. ეს არის „ქართული ოცნების“ ბრალი,“- განაცხადა ადა მარშანიამ და სხდომის დარბაზი დატოვა.
ხორავას ქუჩაზე მოკლული მოზარდების საქმესთან დაკავშირებით დროებითი საგამოძიებო კომისია შეიქმნა. დღეს ქუთაისში კომისიის მორიგი სხდომა მიმდინარეობს.