Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

დღეს „ქართული ოცნების“ ოფისში პრემიერ-მინისტრობის კანდიდატზე იმსჯელებენ

14 ივნისი, 2018 10:43

„ქართული ოცნების“ ცენტრალურ ოფისში დღეს უმრავლესობის გაფართოებული სხდომა გაიმართება, რომელზეც პრემიერ-მინისტრობის კანდიდატზე იმსჯელებენ.

სხდომა პარტიის ოფისში 17:00 საათზეა ჩანიშნული.

გუშინ პრემიერმა გიორგი კვირიკაშვილმა თანამდებობის დატოვების შესახებ განაცხადა მთავრობის კანცელარიაში. 

„გუშინ გაიმართა შეხვედრა, რომლის შემდეგაც გაკეთდა საჯარო განცხადებები. გამოიკვეთა ჩემსა და მმართველ გუნდს შორის აზრთა სხვადასხვაობა. საუბარი იყო მთავრობის მიერ გატარებულ ეკონომიკის პოლიტიკასთან დაკავშირებით. ბოლო დღეების განმავლობაში იყო რიგი ფუნდამენტური საკითხები, რომელზეც განსხვავებული პოზიციები გვქონდა პარტიის თავმჯდომარესთან. პარტიის თავმჯდომარეს უნდა მიეცეს საშუალება, გუნდი დააკომპლექტოს.

„ეს იყო მემარჯვენე ნაბიჯები" - გიორგი კვირიკაშვილის სიტყვის სრული ვერსია

2015 წლიდან პრემიერი ვარ და ამ ორი წლის განმავლობაში ჩვენმა მთავრობამ მნიშვნელოვანი რეფორმები გაატარა. დღეს ჩვენ გვაქვს რეგიონში მაღალი ეკონომიკური ზრდა და ხელსაყრელი გარემო ბიზნესის წარმოებისთვის.

ძალიან კარგად ვიცი, როგორ უჭირს ხალხს, რომელიც ურთულეს პირობებში ზრუნავს ლუკმაპურზე. დიახ, ეს ასეა, მაგრამ ისიც ზუსტად ვიცი, რომ არა ეს პოლიტიკა ამ ხალხისთვის ცხოვრების ნორმალური პირობების შექმნის შესაძლებლობა კიდევ რამდენიმე წლით გადავადდებოდა. მჯერა, რომ პასუხისმგებელიანი პოლიტიკოსის ვალდებულებაა ისეთი გადაწყვეტილებების მიღება და არაპოპულარული ნაბიჯების გადადგმა, რომელიც ქვეყნის განვითარების გრძელვადიან პერპსექტივაზეა გათვლილი და არა მყისიერ შედეგებზე.

ჩემთვის თანამდებობა იყო დიდი პასუხისმგებლობა. ყოველთვის ვცდილობდი, პატივის გრძნობით მეტარებინა ეს პასუხისმგებლობა. მე ვცადე ვყოფილიყავი ყველა მოქალაქის პრემიერ-მინისტრი. მე მთელი გულით მჯერა, რომ ყველა ნაბიჯი ჩემი ქვეყნის სასიკეთოდ იყო ნაკარნახები. მე ვიყავი და ვარ გუნდური მოთამაშე. აქედან გამომდინარე, ვხედავ გუნდში განწყობებს და მივიღე გადაწყვეტილება - ვტოვებ თანამდებობას." - განაცხადა პრემიერმა საგანგებო ბრიფინგზე. 

პრემიერ-მინისტრად გიორგი კვირიკაშვილი 2015 წლის დეკემბერში დაინიშნა. 

კომენტარები

ამავე რუბრიკაში

24 ოქტომბერი
24 ოქტომბერი

ივანიშვილი კანაფის წარმოებაზე: ძალიან დი ...

„ვნახეთ ჩვენ საზოგადოების რეაქცია, მათ შორის საპატრიარქოსი, მთელმა გუნდმა ანგარიში გავუწიეთ და შევაჩერეთ ეს კანონნ ...
23 ოქტომბერი
23 ოქტომბერი

ივანიშვილი: პირადი ცხოვრების ჩანაწერები ...

ბიძინა ივანიშვილი 2016 წელს გამოქვეყნებულ პირადი ცხოვრების ამსახველ ჩანაწერებს ვერ იხსენებს. „ვერ ვიხსენებ, ასეთი ...
23 ოქტომბერი
23 ოქტომბერი

რატომ მოუწია კვირიკაშვილს თანამდებობის დ ...

ბიძინა ივანიშვილმა ჟურნალისტებთან შეხვედრაზე unicef-ის კვლევასა და მოსახლეობის გაღარიბებაზე ისაუბრა. მისი თქმით, გაღარიბ ...
^