„რუსთავი 2-ის“ გენერალური დირექტორი ნიკა გვარამია ბოდიშს უხდის ქალს, რომელსაც მავარ პროკურატურასთან გამართულ აქციაზე შეურაცხყოფა მიაყენა. გვარამიას თქმით, ის დარწმუნებულია, რომ მთვარისა ნავერიანი სუს-ის პროვოკატორი იყო, თუმცა ამის მიუხედავად, მისთვის შეურაცხყოფა არ უნდა მიეყენებინა.
„ბოდიშის მოხდა არ ტეხვს და ზოგჯერ ყველაზე მძიმე შეცდომების წამალია.
აი, მე, მაგალითად, ბოდიშს ვუხდი იმ ქალბატონს, ვინც აქციიდან გავაგდე - არც მიცემია (არც ის და არც სხვა რომელიმე ქალი ცხოვრებაში), სუსის პროვოკატორიცაა, სრულიად დარწმუნებული ვარ, და იქ აქციის ჩასაშლელად იყო მოვლენილი. მაგრამ ქალი იყო მაინც და არც უნდა მეყვირა და მეგინებინა და არც უნდა მეჯიკავა. ყველა შემთხვევაში თავი უნდა შემეკავებინა.
ბოდიში ქალბატონო მთვარისა“, - წერს გვარამია Facebook-ზე.
მთვარისა ნავერიანი პროკურატურას სთხოვს, რომ გვარამიას ბრალი წაუყენონ, მას კი დაზარალებულის სტატუსი მიენიჭოს. მან ადვოკატ ნიკოლოზ მჟავანაძესთან ერთად 13 ივნისს პროკურატურაში საჩივარი შეიტანა.
ნავერიანის თქმით, აქციაზე, რომელიც ხორავას ქუჩაზე მოკლული ახალგაზრდების საქმეზე სასამართლო განაჩენის შემდეგ დაიწყო, ნიკა გვარამიამ მას ფიზიკური და სიტყვიერი შეურაცხყოფა მიაყენა.
პროკურატურამ საქმეზე გამოძიება სისხლის სამართლის 126-ე, ძალადობის მუხლით დაიწყო.
