„ნარკოტიკებთან ბრძოლა არ დაწყებულა „ბასიანით“ და არც დამთავრდება „ბასიანით“. შინაგან საქმეთა სამინისტროსთვის არ იარსებებს დახურული სივრცეები, მაშინ, როდესაც საკითხი ეხება ნარკოტიკებს", - განაცხადა შინაგან საქმეთა მინისტრობის კანდიდატმა, გიორგი გახარიამ პარლამენტში, სადაც მინისტრობის კანდიდატებს უსმენენ.
მისი თქმით, სამინისტრო ყოველთვის მაქსიმალურს გააკეთებს იმისთვის, რომ ყველა სახის ნარკოტიკთან ბრძოლა იყოს ეფექტიანი.
გახარიამ აღნიშნა, რომ ნარკოტიკებთან ბრძოლა არის ყველაზე მნიშვნელოვანი პრიორიტეტი შინაგან საქმეთა სამინისტროსთვის; და ვინაიდან ნარკოტრაფიკი და ნარკოტიკებთან ბრძოლა არის ტრანსასაზღვრო პრობლემა, საერთაშორისო თანამშრომლობა და საერთაშორისო პარტნიორები დახმარებას უწევენ.