გარემოსდაცვითი ზედამხედველობის დეპარტამენტის თანამშრომლებმა სიონისა და ჟინვალის წყალსაცავებიდან ორი 150-მეტრიანი და სამი 100-მეტრიანი თევზსაჭერი ბადე ამოიღეს. ინფორმაციას გარემოსდაცვითი ზედამხედველობის დეპარტამენტი ავრცელებს.

„გარემოს დაცვისა და სოფლის მეურნეობის სამინისტროს, გარემოსდაცვითი ზედამხედველობის დეპარტამენტის თანამშრომლებმა ჟინვალისა და სიონის წყალსაცავებზე გატარებული პრევენციული ღონისძიების შედეგად, ამოიღეს 2 ერთეული 150-მეტრიანი და 3 ერთეული 100-მეტრიანი სახლართი ბადე.

აღმოსავლეთის რეგიონული სამმართველოს თანამშრომლებმა თევზი ტბაში, ბუნებრივ პირობებში გაუშვეს“, - ნათქვამია დეპარტამენტის განცხადებაში.

ფოტო: გარემოსდაცვითი ზედამხედველობის დეპარტამენტი