სახალხო დამცველის აპარატისთვის მთავრობის სარეზერვო ფონდიდან დაახლოებით 500 ათასი ლარი გამოიყოფა, - ამის შესახებ ფინანსთა მინისტრმა, ნიკოლოზ გაგუამ განაცხადა.
მისივე განმარტებით, აღნიშნული თანხით მოხდება ოფისის დაქირავება იქამდე, ვიდრე ომბუდსმენის აპარატის ალტერნატიული ფართით დაკმაყოფილება არ მოხდება.
სახალხო დამცველის აპარატის ინფორმაციით, ავარიულ მდგომარეობაში მყოფ სახალხო დამცველის აპარატის შენობას ექსპერტიზის დასკვნის მიხედვით დაუდგინდა მესამე ხარისხის დაზიანება. ამის გამო აპარატი გადავიდა საგანგებო რეჟიმზე და 2018 წლის 2 ივლისამდე შეაჩერა სამუშაო პროცესი.