საბუკომ (საზოგადოება ბუნების კონსერვაციისათვის) ორგანიზაცია CENN-ის მიერ ბექობის არწივების დასაცავად შეგროვებული  შემოწირულობის საშუალებით ბექობის არწივის 3 მართვეს GPS გადამცემი დაუმაგრა.

საბუკოს ინფორმაციით, მოწყობილობა საშუალებას იძლევა უწყვეტ რეჟიმში თვალი ვადევნოთ ბექობის არწივების გადაადგილებას, დავაკვირდეთ მათ ჩვევებსა და გადაადგილებებს.

ბექობის არწივი  ერთ-ერთი ყველაზე იშვიათი ფრინველია მსოფლიოში. ის გადაშენების პირასაა და  მისი რაოდენობა სულ უფრო მცირდება. სახეობების შემცირების მიზეზეთაგან ერთ-ერთი მნიშვნელოვანი მათი საბინადრო არეალის  ცვლილება და შემცირებაა, რაც სასოფლო მეურნეობის ქიმიიზაციით, ტყეების ჭრით და ურბანიზაციით არის გამოწვეული.

პესტიციდების არასწორი მოხმარება, უკანონო პრეპარატებით მოწამვლა და ბრაკონიერობა, მნიშვნელოვანი ფაქტორებია, რომლებიც ასევე  იწვევენ არწივების დაღუპვას.

ბექობის არწივის დაცვისა და შენარჩუნების სამუშაოების ფარგლებში უკანასკნელი სამი წლის განმავლობაში საბუკომ ათ  მცირეწლოვანი ბექობის არწივის დაუმაგრა GPS- გადამცემი. სამწუხაროდ, 10 დანიშნული ფრინველიდან რვა დენის დარტყმით გარდაიცვალა საშემოდგომო მიგრაციის დროს.