საფრანგეთის მოქმედმა ჩემპიონმა „პარი სენ ჟერმენმა“ ჯანლუიჯი ბუფონის ტრანსფერი დაადასტურა. „იუვენტუსის“ ყოფილი მეკარე პარიზულმა კლუბმა Twitter-ზე ორიგინალური ვიდეოთი წარადგინა. ბუფონი პსჟ-თან 2-წლიან კონტრაქტს გააფორმებს, მისი ოფიციალური წარდგენა კი 9 ივლისს გაიმართება.
Taillé pour Paris ! pic.twitter.com/yBYMkX02rD
— Paris Saint-Germain (@PSG_inside) July 6, 2018
40 წლის იტალიელმა მეკარემ კარიერა 1995 წელს „პარმაში“ დაიწყო, 2001 წელს კი ტურინის „იუვენტუსში“ გადავიდა. დელ პიეროს წასვლის შემდეგ ბუფონი „იუვეს“ კაპიტანი გახდა და ტურინში არაერთი თასი მოიპოვა. ბუფონმა 2006 წელს სერია B-ში დაქვეითებული „იუვენტუსი“ არ მიატოვა გარიგებული მატჩების სკანდალის შემდეგ და დღეს ტურინელთა ლეგენდად მიიჩნევა.
ჯანლუიჯი ბუფონი 1997 წლიდან იტალიის ნაკრებშიც გამოდის, სადაც 2006 წელს მსოფლიო ჩემპიონი გახდა.
