პრემიერ-მინისტრი „მცირე მთავრობის" მინისტრთა კაბინეტის შემადგენლობას ხვალ დილით, 10:00 საათზე დაასახელებს - ამის შესახებ პრემიერმა მამუკა ბახტაძემ ბრიფინგზე განაცხადა. 

მისი თქმით, უმრავლესობასთან ამ საკითხზე დღეს ბოლო კონსულტაცია გაიმართება. 

პრემიერმა სოზარ სუბარის შესახებ დასმულ შეკითხვასაც უპასუხა:

„სოზარ სუბარი გახლავთ ჩვენი პოლიტიკური გუნდის ძალიან აქტიური და ეფექტური წევრი. მან ძალიან ბევრი საქმე გააკეთა იმ დავალებებისთვის თავის გასართმევად, რომლებიც მის უწყებას ჰქონდა ჩაბარებული. აქედან გამომდინარე, აუცილებლად იქნება სოზარი ჩვენს გუნდში წარმოგენილი იმ როლით, სადაც ის მაქსიმალურად შეძლებს თავისი ძლიერი მხარეების რეალიზებას", - თქვა ბახტაძემ.

როგორც ცნობილია, „მცირე მთავრობის" შემადგენლობაში 10 სამინისტრო და სახელმწიფო მინისტრის ერთი აპარატი იქნება.