აშშ-ის პრეზიდენტის, დონალდ ტრამპის თქმით, მისი ზეწოლის შედეგად მოკავშირეები თავდაცვის სფეროში ხარჯის გაზრდას დასთანხმდნენ. ტრამპის განმარტებით, NATO-ს წევრმა ყველა ქვეყანამ გადაწყვიტა ხარჯის გაზრდა მას შემდეგ, რაც მან მკვეთრად გამოხატა თავისი პოზიცია.
„ყველა დასთანხმდა მათი ჩართულობის არსებით ზრდას. ისინი ადიან იმ დონეზე, რომელსაც აქამდე ვერც კი წარმოიდგენდნენ“, - ციტირებს ტრამპის სიტყვებს CNN.
„მე ვუთხარი მათ, რომ ვიქნებოდი ძალიან უკმაყოფილო, თუ თავდაცვის ხარჯს არსებითად არ გაზრდიდნენ. მე ჩავაყენე საქმის კურსში, რომ ვიყავი საშინლად უკმაყოფილო იმით, რაც ხდებოდა. ახლა მათ არსებითAდ გაზარდეს თავიანთი ჩართულობა“, - განაცხადა ტრამპმა შეკითხვის პასუხად, დაემუქრა თუ არა NATO-ს წევრებს ალიანსის დატოვებით.
დონალდ ტრამპმა ევროპის ქვეყნები ბრიუსელის სამიტამდე რამდენჯერმე გააკრიტიკა. სამიტის დროს კი ტრამპმა განაცხადა, რომ გერმანია რუსეთის ტყვეა და იმ ფონზე, რომ აშშ დიდ რესურსს დებს ევროპის რუსეთისგან დაცვაში, გერმანია მილიარდებს უხდის რუსეთს გაზის სანაცვლოდ.