შეფასებისა და გამოცდების ეროვნული ცენტრის განმარტებით, ცენტრის ვებგვერდის მობილურ ვერსიაზე ვიზიტორები არაკორექტირებულ ფაილს ხედავდნენ, რამაც დაბნეულობა გამოიწვია. ცენტრი უარყოფს ინფორმაციას, რომ სამაგისტრო გამოცდის A ტიპის ტესტის სწორ პასუხებთან ერთად შემთხვევით გამოაქვეყნეს B და C ტიპის ტესტების სწორი პასუხებიც.
„ცენტრის ვებგვერდზე www.naec.gov.ge გამოქვეყნებულია A ტიპის სამაგისტრო ტესტი და A ტიპის ტესტის პასუხები.
გვერდის მობილურ ვერსიაზე ვიზიტორები არაკორექტირებულ ფაილს ხედავდნენ, რამაც დაბნეულობა გამოიწვია.
განვმარტავთ, რომ ფაილში მოცემული დამატებითი ინფორმაცია არ არის საგამოცდო ტესტის ვერსიების სწორი პასუხები, რაშიც არა მხოლოდ აპლიკანტები, არამედ ნებისმიერი მსურველი დარწმუნდება ტესტების და სწორი პასუხების გამოქვეყნებისას“,- ნათქვამია ცანტრის მიერ გვარცელებულ განცხადებაში.
გუშინ გამოცდების ეროვნული ცენტრის ვებ-გვერდზე გამოქვეყნდა სამაგისტრო გამოცდის A ტიპის ტესტის პასუხები, სოციალურ ქსელში გავრცელდა სქრინები, სადაც ჩანდა საიტზე გამოქვეყნებული B და C ტიპის სამაგისტრო გამოცდების ტესტის პასუხებიც.
A ტიპის ტესტი მაგისტრანტობის მსურველებმა 11-12 ივლისს დაწერეს. ხოლო B და C ტიპის ტესტები 18, 19, 24 და 25 ივლისს უნდა დაწერონ.