ხორავას ქუჩაზე მოკლული დავით სარალიძის მამა, ზაზა სარალიძე მთავარ პროკურორს, შალვა თადუმაძეს შეხვდა.
„მთავარმა პროკურორმა სრული პასუხისმგებლობით განაცხადა, რომ პირად კონტროლზე აიყვანს ამ საქმეს. არავითარ კონკრეტულ თარიღებზე არ გვისაუბრია. კონკრეტული პირობა მივიღე, რომ პირად კონტროლზე აიყვანს ამ საქმეს. დაველოდები გენერალური პროკურორის მიერ გადადგმულ ნაბიჯებს. მთავარი პროკურორი მზად არის, ყველა ზომა მიიღოს ამ საქმესთან დაკავშირებით", - აცხადებს ზაზა სარალიძე.
შეხვედრას საქმის პროკურორები არ ესწრებოდნენ.
ადვოკატის, ნესტან ლონდარიძის თქმით, მნიშვნელოვანია, რომ მთავარი პროკურორი გაეცნოს ამ საქმის ყველა დეტალს, რის შემდეგაც მასთან შეხვედრა კვლავ იგეგმება.
