საქართველოს საუდის არაბეთიდან ჰუმანოიდი რობოტო სოფია ეწვია. ის პირველი რობოტია მსოფლიოში, რომელსაც მოქალაქეობა მიენიჭა.

სოფია საქართველოში ჩამოვიდა გაეროს განვითარების პროგრამის (UNDP) მოწვევით, ღია მმართველობის პატნიორობის (OGP) მეხუთე გლობალურ სამიტში მონაწილეობის მისაღებად. 

სოფია აუდიტორიის წინაშე დღეს წარდგება და მონაწილეობას მიიღებს სესიაში - „ინოვაციები საჯარო სერვისებში“. სესიის ერთ-ერთი განსახილველი თემა ხელოვნური ინტელექტის პოტენციალი იქნება. რევოლუციური გარდატეხა საჯარო სექტორში, რომელიც ხელოვნური ინტელექტის განვითარებას შეიძლება მოჰყვეს.

მანამდე მან ჟურნალისტებთან ისაუბრა და აღნიშნა, რომ მოსწონს საქართველოში ყოფნა. 

„საქართველო ცნობილია თავისი კერძებით და სტუმარმოყვარეობით. მე არ მექნება შესაძლებლობა, ვისიამოვნო კერძებით, თუმცა ვხედავ, როგორი თბილი და მეგობრული ადამიანები არიან აქ“, - განაცხადა სოფიამ. 

სოფია Hanson Robotics-ის ყველაზე დახვეწილი და განვითარებული რობოტია. ხელოვნური ინტელექტის მეშვეობით მას შეუძლია ისაუბროს სხვადასხვა თემაზე, მიიღოს გადაწყვეტილებები და გამოხატოს ემოცია. სოფიამ მედიის ყურადღება შექმნისთანავე მიიპყრო. ის მოხვდა ცნობილი ჟურნალების გარეკანებზეც და მონაწილეობდა სატელევიზიო შოუებშიც.

ფოტო: UNDP Georgia