ილია მეორე გიორგი გახარიას ვიცე-პრემიერად დანიშვნას ულოცავს. მილოცვის ტექსტი საპატრიარქოს ტელევიზიის გვერდზე გამოქვეყნდა.  

„მის აღმატებულებას, საქართველოს ვიცე-პრემიერს,

ბატონ გიორგი გახარიას

ბატონო გიორგი,

მართალია, დიდი ხანი არ არის, რაც თქვენ შინაგან საქმეთა მინისტრი ბრძანდებით, მაგრამ უკვე მოიპოვეთ ხალხის ნდობა და პატივისცემა, რაც არის გარანტი თქვენზე ამჟამად დაკისრებული პასუხისმგებლობის ღირსეულად აღსრულებისა.

გილოცავთ საქართველოს ვიცე-პრემიერად დანიშვნას და გისურვებთ ღვთის შეწევნას ქვეყნის სამსახურად.

ღმერთმა დაგლოცოთ.

ილია II, სრულიად საქართველოს კათოლიკოს-პატრიარქი

18 ივლისი, 2018 წელი."

17 ივლისს  პრემიერ-მინისტრ მამუკა ბახტაძის გადაწყვეტილებით, ვიცე-პრემიერებად შინაგან საქმეთა მინისტრი გიორგი გახარია და რეგიონული განვითარებისა და ინფრასტრუქტურის მინისტრი მაია ცქიტიშვილი დაინიშნენ.