როგორც „საქნახშირის" პრესსამსახურში „ლიბერალს“ განუცხადეს, თანამდებობებიდან გათავისუფლებულნი არიან ტყიბულის შახტის მაღალი თანამდებობის პირები.
ესენი არიან:
წარმოების დირექტორი - გია ქარქაშაძე
შახტის დირექტორი - აკაკი ახვლედიანი
მთავარი ინჟინერი - გიზო კირკიტაძე
ამ წუთებში ტყიბულში საპროტესტო აქცია მიმდინარეობს. მეშახტეთა პირველადი პროფკავშირული ორგანიზაციის მოთხოვნებია:
მოხდეს 5 აპრილს და 16 ივლისს მომხდარი ჯგუფური უბედური შემთხვევების ობიექტური გამოძიება და დამნაშავეების კანონის მთელი სიმკაცრით დასჯა;
განხორციელდეს შახტების დროებითი კონსერვაცია იქ არსებული რისკების შეფასების მიზნით და განხორციელდეს ობიექტის სრული მოდერნიზება;
კონსერვაციის გამო წარმოშობილი იძულებითი მოცდენის მთელ პერიოდზე მოხდეს დასაქმებულთა სრული ანაზღაურებით უზრუნველყოფა;
გაიმართოს პრემიერ-მინისტრთან შეხვედრა, რომელშიც მონაწილეობას მიიღებენ პროფკავშირის, კომპანიის ადმინისტრაციის და მთავრობის წარმომადგენლები, ასევე მეშახტეებისგან დაკომპლექტებული ჯგუფი;
მოხდეს მხარეთა მიერ ხელმოწერილი შეთანხმების დოკუმენტის შექმნა ყოველივე ზემოთ თქმულთან დაკავშირებით.