Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ბიძინა ივანიშვილი: ორმა ბანკმა გადაჭამა მთელი ქვეყანა

24 ივლისი, 2018 22:31

ბიძინა ივანიშვილის თქმით, საზოგადოების ნაწილი „ქართული ოცნების“ მმართველობის პირობებში გაღარიბდა და ეს აღმოჩენა მისთვის ტრაგიკულია. „ქართული ოცნების“ ლიდერის თქმით, სიღარიბის დონის გაუარესების მთავარი მიზეზი ორი ბანკი და ჭარბვალიანობა იყო.

„ორმა ბანკმა გადაჭამა მთელი ქვეყანა. ხალხი ბანკის ვალებიდან ვეღარ ამოდის. ამ ფონზე ვიტყვი, რომ საქართველოს ბანკი და TBC ბანკი რენტაბელობის კუთხით მსოფლიოში პირველ ადგილზე არიან, ეს თითქოს საამაყოა, მაგრამ ამავდროულად ვხედავთ, რომ ჭარბვალიანობის მხრივ საქართველო ისევ პირველ თუ ბოლო ადგილზეა.

ხალხი თავისი შემოსავლის მესამედზე მეტს ბანკის პროცენტის მომსახურებაში იხდის და ეს არის სირცხვილი“, - თქვა ივანიშვილმა საზოგადოებრივი მაუწყებლის ეთერში.

ივანიშვილის თქმით, ბანკების რეგულაციას ის ხშირად სთხოვდა კვირიკაშვილის და მისი ერთ-ერთი მთავარი გადაცდომაც ეს იყო.

„ერთ-ერთი მძიმე კითხვა რაც მე მქონდა კვირიკაშვილთან, სწორედ ჭარბვალიანობა იყო. მე მას გადაცდომა ვუწოდე და თვითონაც მეთანხმებოდა, რომ ადრე უნდა შემოეღო რეგულაციები.

Unicef-ის კვლევა იყო ჩემთვის ტრაგიკული, რამდენიმე დღე ძალიან მძიმედ ვიყავი. სიღარიბის დონე გაუარესდა და ამაში მთავარი დამნაშავე სწორედ ჭარბვალიანობა იყო. ხალხი იღებდა სესხს და აღარ იცოდა, როგორ მომსახურებოდა მას. ამას კი მე ძალიან ხშირად ვახსენებდი კვირიკაშვილის მისი პრემიერობის განმავლობაში“, - განაცხადა ივანიშვილმა.

კომენტარები

ამავე რუბრიკაში

12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
29 ნოემბერი
29 ნოემბერი

გრიგორი კარასინი თბილისში რუსული ცენტრის ...

თბილისში რუსული ენისა და კულტურის ცენტრი დეკემბერის შუა რიცხვებში გაიხსნება, რაც რუსეთ-საქართველოს შორის ურთიერთობების გ ...
^