ლოს ანჯელესში, ჰოლივუდის დიდების ხეივანში ერთ-ერთმა მამაკაცმა ტრამპის ვარსკვლავი გაანადგურა. მამაკაცი, რომელმაც აშშ-ის პრეზიდენტის ვარსკვლავი წერაქვით დაამსხვრია, სამართალდამცველებს ჩაბარდა. პოლიციის განცხადებით, ის გამოსაკითხად გადაიყვანეს.
CNN-ის აფილირებულ გამოცემას ერთ-ერთმა თვითმხილველმა უთხრა, რომ მამაკაცი ისე ბუნებრივად იქცეოდა, ხელი არავის შეუშლია. „ის ისე თხრიდა ამ ადგილს, თითქოს მისი სამსახური იყო. ვიფიქრე, რომ რაღაც სამუშაოები ტარდებოდა“, - ჰყვება პატრიცია კოქსი.
ტრამპის ვარსკვლავი 2016 წელსაც დააზიანეს, მაგრამ მალევე აღადგინეს. ბიზნესმენის პოლიტიკაში მოსვლის შემდეგ ვარსკვლავი მოქალაქეთა პროტესტის ადგილად იქცა. მას ურტყამენ ფეხებს, აკრავენ სტიკერებს და ნებას რთავენ ძაღლებს, ზედ მოისაქმონ.