„ეროვნულ-დემოკრატიული ინსტიტუტის“ კვლევის თანახმად, ხვალ რომ საპრეზიდენტო არჩევნები იყოს, მოსახლეობის 6% მოქმედ პრეზიდენტს, გიორგი მარგველაშვილს დაუჭერდა მხარს.
გამოკითხულთა 32%-მა არ იცის, ვის დაუჭერდა მხარს, ხვალ რომ საპრეზიდენტო არჩევნები იყოს, 15% კი არც ერთ კანდიდატს არ დაუჭერდა მხარს.
აღნიშნული კვლევა, 2018 წლის 23 ივნისი-8 ივლისის პერიოდში, საქართველოს მასშტაბით 2,409 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.
