„სახელმწიფო ბიუჯეტი შეზღუდულია. რომელი სფერო არის თქვენთვის ყველაზე პრიორიტეტული, იმის გათვალისწინებით, რომ ამ სფეროში თანხის დახარჯვა სხვა სფეროსთვის დაფინანსების მოკლებას გულისხმობს?“ - შეკითხვაზე პასუხად, მოსახლეობის 61% მიიჩნევს, რომ ეს სფერო ჯანდაცვაა. NDI კვლევის შედეგებს აქვეყნებს. 

მოსახლეობის 55% მიიჩნევს, რომ სახელმწიფო ბიუჯეტში პრიორიტეტული განათლება უნდა იყოს, 47% კი მიიჩნევს, რომ პრიორიტეტი პენსიებსა და სოციალურ დახმარებებს უნდა მიენიჭოს. 

აღნიშნული კვლევა, 2018 წლის 23 ივნისი-8 ივლისის პერიოდში, საქართველოს მასშტაბით 2,409 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.