ვენესუელაში, სამხედრო აღლუმზე პრეზიდენტ ნიკოლას მადუროს სიტყვით გამოსვლის დროს აფეთქება მოხდა. როგორც ნიკოლას მადურომ მოგვიანებით ტელევიზიით განაცხადა, მას დრონით დაესხნენ თავს და მკვლელობის მცდელობაში პასუხისმგებლობას კოლუმბიის პრეზიდენტს ხუან მანუელ სანტოსს აკისრებს. ის ასევე აცხადებს, რომ თავდასხმაში მონაწილეობდა ამერიკის შეერთებული შტატებიც. ინციდენტი ეროვნული არმიის 81-ე წლისთავის აღსანიშნავად პრეზიდენტის სიტყვით გამოსვლის დროს მოხდა. მადუროს სიახლოვეს აფეთქდა ორი დრონი. შემთხვევის შედეგად დაშავდა შვიდი ჯარისკაცი.
„ეჭვი არ მეპარება, რომ თავდასხმის უკან კოლუმბიის პრეზიდენტი ხუან მანუელ სანტოსი დგას. გამოძიებამ დაადგინა, რომ თავდასხმა ფლორიდაში მცხოვრებმა პირებმა დააფინანსეს“, – განაცხადა მადურომ.
როგორც ვენესუელის სამხედრო პირები აცხადებენ, მომხდარის გამო რამდენიმე ადამიანი დაკავებულია.
კოლუმბიის მთავრობა უარყოფს ვენესუელის პრეზიდენტის ბრალდებებს, მათი თქმით, არანაირი საფუძველი არ აქვს ვენესუელის პრეზიდენტის ბრალდებებს.
Venezuelan President Maduro unharmed after an attack by drones loaded with explosives：official pic.twitter.com/sbM7tmRxIZ
— China Xinhua News (@XHNews) August 5, 2018
