საქართველოს პარლამენტის თავმჯდომარის, ირაკლი კობახიძის განცხადებით, რომელ დამოუკიდებელ კანდიდატს ექნება „ქართული ოცნების“ მხარდაჭერა, მხოლოდ მას შემდეგ გახდება ცნობილი, რაც საპრეზიდენტო კანდიდატთა რეგისტრაციის პროცესი დასრულდება.
2008 წლის აგვისტოს ომზე სალომე ზურაბიშვილის პოზიციის შეფასებისას კობახიძემ განაცხადა, რომ სალომე ზურაბიშვილის ბოლო განცხადება იყო მისაღები, რადგან ზუსტად ასახავდა 2008 წელს განვითარებულ მოვლენებს.
„ჩვენ მოვისმინეთ სხვადასხვა კომენტარი ქალბატონი სალომეს მხრიდან. არ მინდა, შევიდე სიღრმეში, რადგან ეს გამოვა ერთ-ერთი საპრეზიდენტო კანდიდატის გამონათქვამების შეფასება. იყო პირველი განცხადება, რომელიც იძლეოდა ინტერპრეტირების საშუალებას სხვა მიმართულებით, ამის შემდეგ იყო სხვა გამოსვლები, სადაც სხვა კონკრეტული ინტერპრეტაციები მოვისმინეთ სალომე ზურაბიშვილის მხრიდან. ვფიქრობ, ეს ბოლო ინტერპრეტაცია იყო ჩვენთვის მისაღები, რადგან ზუსტად ასახავდა პროცესების იმ განვითარებს, რომელსაც ადგილი ჰქონდა 2008 წელს, თუმცა არ ჩავუღრმავდებოდი ამ თემას, ეს არ არის ჩვენი პრეროგატივა. ყველა კანდიდატს შეუძლია თავისი მოსაზრებები გამოთქვას, ჩვენ გვაქვს პრინციპები და საბოლოოდ როცა მივიღებთ გადაწყვეტილებას კანდიდატის მხარდაჭერასთან დაკავშირებით, ერთ-ერთი მთავრი კრიტერიუმი იქნება ის, თუ რამდენად არის მათი გამონათქვამები და პოზიცია თანხვედრაში ჩვენს პოზიციასთან”, – განცხადა ირაკლი კობახიძემ.
