უსუფაშვილმა ტვ პირველის ეთერში განაცხადა, რომ მმართველი ძალა პრეზიდენტის ინსტიტუტის დაკნინებას ცდილობს. ის ასევე გამოეხმაურა უმრავლესობის ერთ-ერთი წევრის, კახა ოქრიაშვილის განცხადებას, რომლის თანახმად, „არა მგონია, „ქართულმა ოცნებამ“ დავით უსუფაშვილს დაუჭიროს მხარი. რამდენჯერ უნდა დაქორწინდნენ და გაიყარნონ?!"
„მოსახლეობაში ნიჰილიზმის გაჩენაა პრობლემა, რომ თითქოს არ აქვს ამას აზრი, რაში გვჭირდება. სასამართლო რაში გვჭირდება? რომელი ადმინისტრაციული ძალაუფლება აქვთ, ნამეტანი დიდ შენობებში არიან და გამოვიყვანოთ იქიდან." - თქვა უსუფაშვილმა ტელეკომპანიის ეთერში.
„არ მიკვირს ოქრიაშვილის. დღეს განაცხადა, გამორიცხულია, როგორ დაუჭერს „ოცნება“ უსუფაშვილს მხარსო. დიახ, ეს ასეა - „ოცნება“ განქორწინდა უსუფაშვილთან და იქორწინა კახა ოქრიაშვილზე. ამ ქორწინებას ვუსურვებ ბედნიერებას. ამ ახალ ქორწინებაში შესულებმა არ დაივიწყონ, რომ მათ აბარიათ ქვეყანა." - განაცხადა უსუფაშვილმა.