ირანის საგარეო საქმეთა სამინისტრომ მისი მოქალაქეების უპატივცემულოდ მოპყრობის გამო საქართველოს საგარეო საქმეთა სამინისტროს საპროტესტო ნოტა გამოუგზავნა.
ირანის საგარეო საქმეთა სამინისტროს ოფიციალური წარმომადგენელის ბაჰრამ ყასემის განცხადებით, თბილისი-ისფაჰანის რეისზე აეროპორტის უსაფრთხოების სამსახურის თანამშრომლები ირანელი ქალების თავსაბურავებს შეურაცხმყოფელად მოექცნენ.
„მას შემდეგ, რაც ისფაჰანში დადგინდა ამ შემთხვევების ავთენტურობა და დადასტურდა რეისის მგზავრებთან სატელეფონო ზარებითაც, ირანის საელჩომ თბილისში პროტესტი გამოუცხადა საქართველოს საგარეო საქმეთა სამინისტროს და თბილისის აეროპორტის უსაფრთხოების სამსახურს.
ბაჰრამ ყასემის თქმით, თბილისში ირანის საელჩო სიტუაციის მონიტორინგს განაგრძობს.
„თბილისში ირანის საელჩომ პროტესტის ნოტა გაუგზავნა საქართველოს საგარეო საქმეთა სამინისტროს და ირანში საქართველოს ელჩს ახსნა-განმარტების მიცემა მოეთხოვა. საქართველოს შესაბამის ორგანოებს ასევე მივმართეთ გაერკვიონ საკითხში და აღკვეთონ, რომ ირანის მოქალაქეების მიმართ მსგავსი მოპყრობა არ გამეორდეს“, - ნათქვამია ირანის საგარეო საქმეთა სამინისტროს განცხადებაში.
