შინაგან საქმეთა სამინისტროს განცხადებით, სამართალდამცველებმა ახალციხის და კარწახის სასაზღვრო სექტორის დასაცავ მონაკვეთზე 4 ადამიანი დააკავეს.
გამოძიების ინფორმაციით, დაკავებულები, რომლებიც უცხო ქვეყნის მოქალაქეები არიან, სასაზღვრო-საკონტროლო გამტარი პუნქტის გვერდის ავლით, უკანონოდ, თურქეთში აპირებდნენ გადასავლას.
გამოძიება საქართველოს სისხლის სამართლის კოდექსის 19-344-ე მუხლის მეორე ნაწილის ა ქვეპუნქტით მიმდინარეობს. დანაშაული 4-დან 5 წლამდე ვადით თავისუფლების აღკვეთას ითვალისწინებს.
