„თავისუფალმა საქართველომ" საპრეზიდენტო კანდიდატად კახა კუკავა წარადგინა.
კანდიდატის წარდგენის ცერემონია ზუგდიდში შედგა. კუკავამ ადგილზე შეკრებილ მოსახლეობას მიმართა და აღნიშნა, რომ მონაწილეობა მას შემდეგ გადაწყვიტა, რაც არჩევნებში „სააკაშვილის დროინდელი მინისტრები" ჩაერთვნენ საპრეზიდენტო კანდიდატებად.
„რეალურად, ხალხს ართმევენ არჩევანს. ყველანი არიან ერთი და იგივე ანტისახელმწიფოებრივი, ლიბერალური იდეოლოგიის ადამიანები და ხალხს არ უტოვებენ არჩევანს. ჩვენი სურვილი იყო, რომ ერთი ადამიანი მაინც ყოფილიყო ეროვნული იდეოლოგიის. მე მივმართე ლევან ვასაძეს და ვთხოვე, დაეყენებინა თავისი კანდიდატურა. [...] ლევან ვასაძე იქნება ჩვენს პროგრამაში და პარტიებთან ერთად, რომლებიც იზიარებენ ჩვენს ხედვას, გვინდა რომ შევქმნათ კოალიცია" - თქვა კუკავამ.
მისი თქმით, პრიორიტეტი იქნება, „ქოცები და ნაცები, მუდმივი ქამელეონები" ჩამოაშორონ ხელისუფლებას.