HBO-მ დაადასტურა, რომ მომავალ წელს ცნობილი კომიქსის - „მცველების“ (Watchmen) სატელევიზიო სერიალის სრული სეზონი გამოვა.
კომპანიამ წარადგინა საიმიჯო ფოტო და მსახიობები, რომლებიც „მცველებში“ გამოჩნდებიან. მათ შორის, ჯერემი აირონსი, დონ ჯონსონი, რეჯინა კინგი და სხვები.
კომპანიის განმარტებით, DC Comics-ის ცნობილ ნაწარმოებზე დაფუძნებული სერიალი ფილმ „მცველების“ ასლი არ იქნება, თუმცა, მოქმედება იმავე სამყაროში განვითარდება.
ალან მურის ავტორობითა და დეივ გიბონსის ილუსტრაციებით შექმნილი კომიქსის კინოვერსია 2009 წელს რეჟისორმა ზაკ სნაიდერმა გადაიღო. DC Comics-ს ფილმმა არაერთი ჯილდო მოუტანა.