Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

საქართველო წითელას შემთხვევების რაოდენობით ევროპის ქვეყნების ათეულშია

20 აგვისტო, 2018 17:21

„ჯანდაცვის მსოფლიო ორგანიზაციის“ მონაცემებით, 2018 წლის პირველ ექვს თვეში ევროპაში წითელას შემთხვევების რეკორდული რაოდენობა დაფიქსირდა. წელს ევროპის მასშტაბით ამ ვირუსით 41 000-ზე მეტი ადამიანი დაავადდა, მათგან 37 გარდაიცვალა.

ევროპის ქვეყნებს შორის ყველაზე მეტი შემთხვევა  - 23 000 უკრაინაში დაფიქსირდა. უკრაინის გარდა, წელს წითელას 1000-ზე მეტი შემთხვევა აღინიშნა ევროპის კიდევ 6 ქვეყანაში, მათ შორის, საქართველოშიც. ინფორმაციას BBC ავრცელებს.

გასული წლის ამავე პერიოდში წითელათი ევროპაში 23 927 ადამიანი დაავადდა, 2016 წელს კი - 5 273. სპეციალისტები ინფიცირების შემთხვევათა ზრდას იმით ხსნიან, რომ ადამიანები ვაქცინაციას უფრო იშვიათად მიმართავენ. 

წელს უკრაინისა და საქართველოსთან ერთად წითელას 1000-ზე მეტი შემთხვევა დაფიქსირდა საფრანგეთში, საბერძნეთში, იტალიაში, რუსეთსა და სერბეთში.

ყველა ამ ქვეყანაში ამ ვირუსით სიკვდილიანობის შემთხვევაც აღირიცხა, ყველაზე მეტი ადამიანი წითელამ სერბეთში იმსხვერპლა, სადაც 14 ადამიანი გარდაიცვალა.

დაავადებათა კონტროლის ეროვნული ცენტრის სამეცნიერო საბჭოს თავმჯდომარის, პაატა იმნაძის თქმით, წითელას შემთხვევების შესახებ ცენტრი მოსახლეობას მუდმივად აფრთხილებს.

„წითელას შეჩერება შესაძლებელია მხოლოდ ვაქცინაციით, რომელიც უფასოა საქართველოში. ამიტომ მოვუწოდებთ ყველას აცრისკენ“, - უთხრა იმნაძემ „ლიბერალს“.

კომენტარები

ამავე რუბრიკაში

19 თებერვალი
19 თებერვალი

სოციალური მუშაკები: დაიწყო მედიაციის პრო ...

სოციალური მუშაკების განცხადებით, მათსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და ...
18 თებერვალი
18 თებერვალი

ციხელაშვილი: ე.წ. გადასასვლელი პუნქტის ჩ ...

 „პატარა ბავშვები არიან ახალგორში, რომელთაც თვეზე მეტია მშობლებთან კომუნიკაციის შესაძლებლობა არ აქვთ. რომ აღა ...
18 თებერვალი
18 თებერვალი

ილიაუნის სტუდენტებმა საპროტესტო შიმშილობ ...

ილიას სახელმწიფო უნივერსიტეტის სტუდენტებმა საპროტესტო შიმშილობა შეწყვიტეს. „ლიბერალის“ კორესპონდენტის ცნობით ...
^