„ქართული მარშის" ერთ-ერთი ლიდერი კონსტანტინე მორგოშია შსს-ში გამოკითხვაზე დაიბარეს. „ლიბერალს" შსს-ში უთხრეს, რომ მისი დაბარება გურამ კაშიას საკითხს უკავშირდება.
29 აგვისტოს მორგოშიამ Facebook-ზე კაშიას მიმართ მუქარის შემცველი სტატუსი გამოაქვეყნა.
„შენ ჩამოდი 9 სექტემბერს თბილისში და დანარჩენს კი ნახავ ....." - წერს მორგოშია.
UEFA-ს პირველ ჯილდოს ფეხბურთში თანასწორობის მხარდაჭერისთვის (#EqualGame) გურამ კაშია მიიღებს. საქართველოს ნაკრებისა და „სან ხოსეს“ მოთამაშეს ჯილდო ლგბტ თემის მხარდაჭერისთვის გადაეცემა. ინფორმაციას UEFA-ს ვებგვერდი ავრცელებს. კაშიას ჯილდო 30 აგვისტოს მონაკოში საზეიმოდ გადაეცემა.
