Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ქანთარია დიდგორობაზე: ჩემი პროექტის გაჩერებამ დაამტკიცა, რომ დამოუკიდებლობის ხარისხი მყიფეა

12 სექტემბერი, 2018 17:01

„დიდგორობის დღესთან დაკავშირებით ჩემს მიერ წარდგენილი პროექტის გაჩერებამ დაამტკიცა, რომ ჩვენი დამოუკიდებლობის ხარისხი საკმაოდ მყიფეა“ - განაცხადა პარლამენტის განათლებისა და მეცნიერების კომიტეტის სხდომაზე, დეპუტატმა ნუკრი ქანთარიამ. დეპუტატის იდეა დიდგორობის დღის სახელმწიფოებრივ რანგში ატანასა და აღნიშვნას გულისხმობდა.

ქანთარიას თქმით, კანონპროექტს პარლამენტმა პირველი მოსმენით მხარი დაუჭირა, თუმცა ახლა სიტყვიერად არის შეჩერებული, პარლამენტის ჯანდაცვისა და სოციალურ საკითხთა კომიტეტს კი არ ეძლევა საშუალება, რომ ის მეორე მოსმენაზე გაიტანოს. 

„იყო საკმაოდ რთული და მტკივნეული დღეები. ამის გამო უმრავლესობის დატოვებასაც ვაპირებდი, მაგრამ ანგარიში გავუწიე კოლეგებს, რომლებიც პროექტის თანაავტორები იყვნენ. ხალხს, რომელსაც ტერიტორიული მთლიანობის აღდგენა გვინდა და ამის პრეტენზია გვაქვს, საკუთარი დაბადების დღე ვერ გადაგვიხდია სახლში - ჩვენი წინაპრის ასეთი დიდი გამარჯვების“, - განაცხადა ქანთარიამ. 

გასულ წელს ნუკრი განთარია აცხადებდა, რომ კანონპროექტის შეჩერების ერთ-ერთი მიზეზი თურქეთის საელჩოს მეგობრული თხოვნა იყო.

„თუ რამემ ხელი შეუშალა [კანონპროექტს], აქ საჭირო იყო დიპლომატიის ჩართვა. მაშინდელმა საგარეო საქმეთა სამინისტრომ აბსოლუტური უსუსურობა გამოამჟღავნა. იყო სისინ-წიწინი ჩვენი ზოგიერთი კოლეგის მხრიდან - იმის მაგივრად, რომ ჩვენს მიერ აღებული ინიციატივა გაგვეტანა. არ ვფიქრობ, რომ ამას ჩვენი დაქცევა უნდა მოჰყოლოდა. ამაში მარტო არ ვიყავი. პროექტის წარდგენაში რამდენიმე კოლეგამ მიიღო მონაწილეობა. სწორედ ამ კოლეგების გამო, რომ უხერხულ მდგომარეობაში არ ჩამაყენებინა ისინი, გარკვეული ხნით თავი შევიკავე“, - განაცხადა ქანთარიამ. 

ნუკრი ქანთარიას თქით, 12 აგვისტოს მთელი ქვეყნის მასშტაბით უნდა აღნიშნავდნენ.

კომენტარები

ამავე რუბრიკაში

16 ნოემბერი
16 ნოემბერი

IPN, რ2, 1TV: 9 წლის ბავშვის მკვლელობაში ...

გორში, კულტურისა და დასვენების მიმდებარე ტერიტორიაზე სამართალდამცველები მუშაობენ. პარკში ყველა შესასვლელი გადაკეტილია და ...
16 ნოემბერი
16 ნოემბერი

ვანში სახლში გაჩენილ ხანძარს ქალი ემსხვ ...

ვანში, სოფელი ბზვანში საცხოვრებელ სახლში გაჩენილ ხანძარს 80 წლის ქალის სოცოცხლე ემსხვერპლა. საგანგებ ...
16 ნოემბერი
16 ნოემბერი

კვაჭანტირაძის განცხადებით, ზურაბიშვილის ...

„ქართული ოცნების“ დეპუტატის, ზვიად კვაჭანტირაძის განცხადებით, სალომე ზურაბიშვილის Facebook-პოსტი ხატია ბუნია ...
^