Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

გაეროს ქალთა ორგანიზაცია საზღვაო ინდუსტრიაში ქალთა მხარდაჭერას იწყებს

12 სექტემბერი, 2018 17:47

 გაეროს ქალთა ორგანიზაცია, საქართველოს საზღვაო ტრანსპორტის სააგენტოსა და ქალთა სანაოსნო და სავაჭრო ასოციაციასთან ერთად, საზღვაო ინდუსტრიაში ქალთა განათლებისა და დასაქმების მხარდაჭერას იწყებს. შესაბამისი ურთიერთგაგების მემორანდუმი 13 სექტემბერს, ბათუმში მიმდინარე საქართველოს საერთაშორისო საზღვაო ფორუმზე გაფორმდება.

მემორანდუმის ფარგლებში, მომდევნო ორი წლის განმავლობაში ქალებს შორის საზღვაო პროფესიების პოპულარიზაციისა და ამ ინდუსტრიაში მათი დასაქმების გაზრდისთვის სხვადასხვა ინიციატივა განხორციელდება. კერძოდ, ჩამოყალიბდება 4 მეზღვაური ქალის სახელობის ფონდი, რომელიც ბათუმის სახელმწიფო საზღვაო აკადემიაში საზღვაო ფაკულტეტის 4 სტუდენტი გოგოს სწავლას დააფინანსებს. ასევე, მთელი საქართველოს მასშტაბით შეირჩევა 20 ქალი, რომელიც  საკრუიზო ლაინერებზე დასაქმებისთვის პროფესიულ გადამზადებას გაივლის.

პარალელურად, საზღვაო ინდუსტრიაში კარიერის შესაძლებლობების უკეთ გაცნობის მიზნით, მე-10 და მე-11 კლასელი გოგოებისთვის საჯარო ლექციები ჩატარდება, რაც ხელს შეუწყობს მათი საზღვაო პროფესიებით დაინტერესებას. ამას გარდა, გაეროს ქალთა ორგანიზაცია შესაბამის სამთავრობო უწყებებსა და კომპანიებს საზღვაო ინდუსტრიაში გენდერული საკითხების ინტეგრირებაშიც დაეხმარება.

მსოფლიოს მასშტაბით საზღვაო ინდუსტრიაში კაცები დომინირებენ. ტრანსპორტის მუშაკთა საერთაშორისო ფედერაციის ინფორმაციით, ქალები ამ დარგში სამუშაო ძალის მხოლოდ 2%-ს შეადგენენ, თუმცა საერთაშორისო ინტერესი აღნიშნულ სფეროში ქალთა როლის მიმართ იმატებს.

„გაეროს ქალთა ორგანიზაცია მოხარულია, რომ საზღვაო ინდუსტრიაში, სადაც ძირითადად კაცები დომინერებენ, ქალთა შესაძლებლობის გაზრდას უწყობს ხელს. ზოგადად, შრომის ბაზრის სხვადასხვა სექტორში ქალთა თანასწორი შესაძლებლობების უზრუნველყოფა გაეროს ქალთა ორგანიზაციის პრიორიტეტს წარმოადგენს. ჩვენ უკვე გვაქვს ის ინსტრუმენტები, რომლებიც კერძო თუ საჯარო სექტორებს ამ მიზნის მიღწევაში დაეხმარება. გენდერული მრავალფეროვნება სასარგებლო არა მხოლოდ ქალებისთვის, არამედ მთლიანად ეკონომიკისთვისაა“, - აცხადებს გაეროს ქალთა ორგანიზაციის წარმომადგენელი საქართველოში ერიკა კვაპილოვა.

ინიციატივა პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში“ ერთ-ერთი ნაწილია, რომელიც ნორვეგიის საგარეო საქმეთა სამინისტროს ფინანსური მხარდაჭერით ხორციელდება.

კომენტარები

ამავე რუბრიკაში

25 სექტემბერი
25 სექტემბერი

„რუსთავი 2“ „ომეგა ჯგუფის“ საქმეზე ახალ ...

ტელეკომპანია „რუსთავი 2“ „ომეგა ჯგუფის“ საქმეზე ახალ ჩანაწერებს აქვეყნებს.  ჩანაწერის ...
24 სექტემბერი
24 სექტემბერი

ზალკალიანი: მოგერინის მხრიდან მაღალი შეფ ...

საქართველოს საგარეო საქმეთა მინისტრის დავით ზალკალიანის განცხადებით, პრემიერ-მინისტრსა და ევროკავშირის უმაღლეს წარმომადგ ...
24 სექტემბერი
24 სექტემბერი

სასამართლომ დამნაშავედ ცნო შვილი, რომელი ...

თბილისის საქალაქო  სასამართლომ დედის მიმართ განხორციელებულ იძულების ფაქტზე ბრალდებული დამნაშავედ ცნო.  & ...
^