რეჟისორი გიორგი შენგელაია პრეზიდენტობის იმ 19 კანდიდატს შორის არის, რომლებმაც ვადის ამოწურვამდე ცესკო-ს მხარდამჭერთა სიები არ წარუდგინა. შესაბამისად, მათ არჩევნებში მონაწილეობასა და კანდიდატის რეგისტრაციაზე უარი ეთქვათ. კანდიდატების შესახებ მონაცემები ცესკო-ს ვებგვერდზეა გამოქვეყნებული. სიების წარდგენის ვადა 18 სექტემბერს ამოიწურა.
46 კანდიდატიდან ცენტრალურ საარჩევნო კომისიაში დარჩენილი პრეზიდენტობის 27 მსურველიდან „მრეწველებისა“ და პარტიის „სახელმწიფო ხალხისთვის“ კანდიდატების წარსადგენი სიები პროცესშია და გადაწყვეტილი არ არის, მიიღებს თუ არა მათ საარჩევნო კომისია. კიდევ ორს კი არჩევნებში მონაწილეობაზე უარი ეთქვა. ამჟამად ცესკო-ს პრეზიდენტობის 23 კანდიდატი ჰყავს რეგისტრირებული.
საპრეზიდენტო არჩევნები საქართველოში 28 ოქტომბერს გაიმართება.