Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ჩხოროწყუში ერთ-ერთი საბავშვო ბაღის გახსნაზე „ქართული ოცნების“ წარწერიანი ტორტი გაჭრეს

20 სექტემბერი, 2018 12:36

სამეგრელოში, ჩხოროწყუს მუნიციპალიტეტის სოფელ კირცხის საბავშვო ბაღის გახსნაზე ბაღის თანამშრომლებმა ტორტზე „ქართული ოცნება“ დააწერეს. ინფორმაციას „ლაივპრესი“ ავრცელებს.

როგორც ბაღის გამგე მიმოზა დამენიამ „ლაივპრესს“ უთხრა, „ქართული ოცნების“ ლოგოიანი ტორტი ხელისუფლების პატივსაცემად გააკეთეს.

„ჩვენ ოცნების დროშებიც გვქონდა გარეთ საქართველოს დროშასთან ერთად აღმართული, მაგრამ გუბერნატორთან ერთად იყო გოგო, რომელმაც გვითხრა, რომ ეს დროშა უნდა მოგვეხსნა და ტორტზე ოცნების ლოგოც გადაგვიხაზა. ეს რად გინდოდათო - გვითხრა.

ოცნებაა ახლა ხელისუფლებაში და არ მეგონა, თუ ცუდი რამე გავაკეთეთ. გვინდოდა, გამოგვეხატა ჩვენი პატივისცემა ხელისუფლების მიმართ, რომელმაც ახალი ბაღი აგვიშენა. ვინმეს რომ ეთქვა მანამდე, რომ არ იყო საჭირო, არ გავაკეთებდით, მაგრამ სადაც შევდივარ, ყველგან „ქართული ოცნების“ დროშაა და ჩვენთანაც რომ ყოფილიყო, ამით რა დავაშავეთ, არ ვიცი“, - თქვა დამენიამ.

სოფელ კირცხში საბავშვო ბაღის ახალი შენობა სასწავლო წლის დაწყებასთან ერთად, 17 სექტემბერს საზეიმოდ გაიხსნა. გახსნაზე საბავშვო ბაღში მივიდნენ სამეგრელოს გუბერნატორი და ჩხოროწყუს მერი.

ფოტო: „ლაივპრესი“

კომენტარები

ამავე რუბრიკაში

13 დეკემბერი
13 დეკემბერი

„სოვლაბი“ ეროვნულ არქივს სასამართლოში უჩ ...

„საბჭოთა წარსულის კვლევის ლაბორატორია“ (სოვლაბი) სასამართლოში უჩივის იუსტიციის სამინიტროს დაქვემდებარებულ&nb ...
13 დეკემბერი
13 დეკემბერი

თელავის მერია: ინაუგურაციის გამო 14-16 დ ...

თელავის მუნიციპალიტეტის მერიის განცხადებით, ინაუგურაციასთან დაკავშირებით 14, 15 და 16 დეკემბერს 13:00სთ-დან 15:00სთ ...
13 დეკემბერი
13 დეკემბერი

სტრასბურგის სასამართლომ საქართველოს წინა ...

საქართველოს წინააღმდეგ 2008 წლის ომის შესახებ წარდგენილი საჩივრები სტრასბურგის სასამართლომ დაუშვებლად ცნო ...
^