Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

კობახიძე: კომისია იმ შედეგამდე მივიდა, რის გამოც ლამის მიწაში დამარხეს მთავარი პროკურორი

20 სექტემბერი, 2018 21:38

„დაადგინა კომისიამ, ვინ მიაყენა სასიკვდილო ჭრილობა დავით სარალიძეს? - ვერ დაადგინა!", - ამის შესახებ პარლამენტის თანმჯდომარემ ირაკლი კობახიძემ პარლამენტის პლენარულ სხდომაზე განაცხადა, სადაც ხორავას ქუჩაზე მომხდარი მკვლელობის საქმის შემსწავლელი საგამოძიებო კომისიის დასკვნის მოსმენა მიმდინარეობს.

მისი თქმით, მთავარი პრეტენზია სამართლადამცავი ორგანოებისადმი იყო ის, რომ დავით სარალიძისთვის სასიკვდილო ჭრილობის მიმყენებელი პირი არ დადგინდა და „ის, რაც სამართლადამცავმა ორგანოებმა ერთ თვეში ვერ დაადგინეს, პარლამენტის საგამოძიებო კომისიამ ვერ დაადგინა 3 თვეში“. კობახიძის შეფასებით, აღმოჩნდა, რომ სარალიძისთვის სასიკვდილო ჭრილობის მიმყენებელი პირის ვერ დადგენის ობიექტური გარემოებები არსებობდა და მოცემულობა იგივე დარჩა.

„რეალურად პარლამენტის საგამოძიებო კომისიის შექმნის მიზანი იყო არა სამართალდამცავი ორგანოების მხრიდან გადაცდომების დადგენა, არამედ საქმეზე ჭეშმარიტების დადგენა. ეს ასახული იყო როგორც კომისიის სახელწოდებაში, ასევე თქვენს არაერთ განცხადებაში. თქვენ თამასა საკმაოდ მაღლა ასწიეთ და თქვით, რომ ჭეშმარიტებას დაადგენდით ანუ დაადგენდით იმას, თუ ვინ მიაყენა სასიკვდილო ჭრილობა დავით სარალიძეს. ეს იყო თქვენი ამოცანა... სამი თვის თავზე იმ შედეგამდე მიხვედით, რისთვისაც ლამის მიწაში დამარხეს ჩვენი მთავარი პროკურორი. რეალურად თქვენი სამთვიანი მოღვაწეობა ისევე დასრულდა, როგორც დასრულდა გამოძიება - თუ თქვენ გქონდათ ამის ობიექტური მიზეზი, შეიძლება გამოძიებასაც ჰქონდა ობიექტური მიზეზი. შესაბამისად, გამოდის, რომ პრეტენზიას, რომელსაც საგამოძიებო ორგანოებს უყენებდით, საფუძველი არ ჰქონდა“, - განაცხადა ირაკლი კობახიძემ.

კომენტარები

ამავე რუბრიკაში

20 თებერვალი
20 თებერვალი

„ქალაქის გლოვა“ - „პარტიზანმა მებაღეებმა ...

„პარტიზანმა მებაღეებმა“ თბილისში აქცია-პერფორმანსი გამართეს. მსვლელობა - „ქალაქის გლოვა“ ვერაზე, ...
20 თებერვალი
20 თებერვალი

პატრიარქმა უკრაინაში მოქმედი მოსკოვის სა ...

საპატრიარქოს ინფორმაციით, პატრიარქმა უკრაინის ეკლესიის, მოსკოვის საპატრიარქოს საგარეო განყოფილების ხელმძღვანელს, ბო ...
20 თებერვალი
20 თებერვალი

კარგი იქნება, თუ იუსტიციის საბჭო უვადოდ ...

პარლამენტის პირველი ვიცე-სპიკერი თამარ ჩუგოშვილი მოსამართლეთა უვადოდ დანიშვნის საკითხის შეჩერების საკითხზე მიმდინარე დის ...
^