ნიკოლოზ ბასილაშვილი მეცის საერთაშორისო ტურნირის მეოთხედფინალში იაპონელ კეი ნიშიკორისთან დამარცხდა და ტურნირს გამოეთიშა. იაპონელი ჩოგბურთელი ტურნირზე პირველ ნომრად არის განთესილი, მსოფლიო რეიტინგში კი მე-12 პოზიციას იკავებს.
ბასილაშვილმა პირველ წრეში ფრანგი კენი დე შეპერი დაამარცხა, მეორე წრეში კი - ასევე ფრანგი უგო უმბერი.
ქართველმა ჩოგბურთელმა წინა წელს ნახევარფინალში გასვლით გამომუშავებული 90 სარეიტინგო ქულის დაცვა ვერ მოახერხა, რის გამოც ის რეიტინგში 34-ე პოზიციაზე დაქვეითდა.
