ბელგიური დუეტი R.O x Konoba, რომელმაც თბილისში Open Air-ზე დაუკრა, საქართველოში დაბრუნდა და თბილისში ახალ სიმღერებზე მუშაობას გეგმავს. თანაც, 5 ოქტომბერს სიმღერისთვის - Roll The Dice ახალი კლიპი გამოვა, რომელიც მთლიანად Open Air-ის კადრებზე იქნება აგებული.
Konoba Facebook-ზე წერს, რომ ისინი საქართველოში მთელ თვეს დაჰყოფენ. აქ ერთად მუშაობას აპირებენ და დიდი გეგმები აქვთ.
„ჩვენ ახლახან ჩამოვედით საქართველოში და აქ მთელი ოქტომბერი ვიქნებით. დავათვალიერებთ, ვიმუშავებთ დუეტში და შევქმნით ახალ მუსიკას, გადავიღებთ ფოტოებსა და ვიდეოებს. აქ რამდენიმე კონცერტიც გვექნება, რომლებზეც ინფორმაციას მალე მოგაწვდით “, - წერს Konoba.
დუეტი საქართველოში 2017 წელსაც იყო, მაშინ R.O x Konoba-მ კლუბ Spacehall-ში დაუკრა. 2018 წელს კი Open Air-ზე გამოვიდა.