შერეული ორთაბრძოლის ვარსკვლავს კონორ მაკგრეგორს ხაბიბ ნურმაგომედოვთან განცდილი მარცხის შემდეგ რევანში სურს. „კარგი ბრძოლა იყო, მოუთმენლად ველი გადათამაშებას“, - წერს კონორი Twitter-ზე.
ირლანდიელი მებრძოლისა და დაღესტნელი ხაბიბ ნურმაგომედოვის დაპირისპირება UFC 229-ში შაბათს შედგა. დაღესტნელმა მებრძოლმა კონორ მაკგრეგორი მეოთხე რაუნდში დაამარცხა. ხაბიბისთვის ეს რიგით 27-ე გამარჯვება იყო. კონორი კი კარიერის განმავლობაში მეოთხედ დამარცხდა.
კონორსა და ხაბიბს შორის დაპირისპირება შეხვედრის შემდეგაც გაგრძელდა. ნურმაგომედოვი ორთაბრძოლის შემდეგ რინგიდან გადახტა და მაკგრეგორის გუდნის წევრებს დაესხა თავს. რინგზე კი მისი გუნდის წევრები შეცვივდნენ და კონორს დაუპირისპირდნენ. მებრძოლებს შორის დაპირისპირება მასობრივ ჩხუბში გადაიზარდა.
საბოლოოდ, კონორ მაკგრეგორი დაცვის თანხლებით გააცილეს დარბაზიდან. ხაბიბ ნურმაგომედოვს კი კუთვნილი ქამარი არ გადასცეს, რათა გულშემატკივრები კიდევ უფრო არ გაეღიზიანებინათ.