ფრნაკფურტის წიგნის ბაზრობის გახსნის ცერემონიალი დაიწყო. წიგნის ბაზრობის კვირეულის ოფიციალური გახსნის შემდეგ იხსნება საქართველოს, როგორც საპატიო სტუმარი ქვეყნის პავილიონიც.
პავილიონს საქართველოს პრემიერ-მინისტრი მამუკა ბახტაძე და საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ფედერიკა მოგერინი გახსნიან.
ფრანკფურტის წიგნის ბაზრობა მსოფლიოში უდიდესი წიგნის ბაზრობაა, რომელშიც ყოველწლიურად ათასობით გამომცემელი, წიგნით მოვაჭრე და ლიტერატურული აგენტი მონაწილეობს, წარმოდგენილია ასიათასობით დასახელების წიგნი.
წელს, ფრანკფურტში საქართველო საპატიო სტუმარი ქვეყნის სტატუსითაა და 9-დან 14 ოქტომბრამდე ლიტერატურული და კულტურული პროგრამით წარდგება. საქართველოს პავილიონში, ეროვნულ და თემატურ სტენდებზე, ფრანკფურტის წიგნის ბაზრობის 20-მდე სცენაზე ქართველი ავტორებისა და არტისტების სხვადასხვა შინაარსისა და თემატიკის ასობით ღონისძიება გაიმართება.