არასდროს ვიქნები მარიხუანის ლეგა​ლიზების მომხრე, - ამის შესახებ საქართველოს პრეზიდენტობის კანდიდატმა, სალომე ზურაბიშვილმა მარნეულში ამომრჩევლებთან შეხვედრისას განაცხადა.

სალომე ზურაბიშვილის თქმით, მარიხუანის ლეგალიზების საკითხზე მის პოზიციასთან დაკავშირებით არასწორი ინფორმაცია გავრცელდა.

„ვრცელდება არასწორი ინფორმაცია. მე არ ვარ და არასდროს ვიქნები მარიხუანის ლეგა​ლიზების მომხრე. მე ვარ დედა და ბევრი დედა მოვიდა ჩემთან ამ საკითხით. მე ვიზიარებ მათ მწუხარებას. დარწმუნებული ვარ, რომ ამ ქვეყნის მომავალი არიან ახალგაზრდები. ახალგაზრდები ზოგჯერ უნდა დავიცვათ საკუთარი თავისგანაც და მე ვიქნები ის პრეზიდენტი, ვინც ამას გააკეთებს“, - განაცხადა სალომე ზურაბიშვილმა.

მის კომენტარს პირველი არხი ავრცელებს;