საქართველოს ყოფილი პრეზიდენტი მიხეილ სააკაშვილი ფრანკფურტში წიგნის ბაზრობაზე ჩავიდა, სადაც საქართველო მასპინძელი ქვეყანაა. ფრანკფურტის წიგნის ბაზრობა 9 ოქტომბერს გაიხსნა.
ფრანკფურტის წიგნის ბაზრობა გაიხსნა
„ძალიან მნიშვნელოვანია, რადგან თავის დროზე ეს თემა ჩვენ დავიწყეთ. მთელი კონცეფცია შექმნილია ნიკა რურუას მიერ, შემდეგ გააგრძელა შემდგომმა მთავრობამ. კარგია, რომ ბევრი სხვა პროექტების მსგავსად არ გადააგდეს, სადღაც არ მოისროლეს. წინა მთავრობამ დაიწყო, ამ მთავრობამ გააგრძელა და შემდგომი მთავრობის წარმომადგენლები მოვიდნენ გასახსნელად, ანუ ჩვენ, ასე რომ ყველაფერი კარგადაა, "- უთხრა „ლიბერალს“ მიხეილ სააკაშვილმა ფრანკფურტის წიგნის ბაზრობაზე.