რა იყო ჩემი შვილის სიკვდილის მიზეზი? საქართველოს სამართალდამცველი ორგანოების გულგრილი დამოკიდებულება ფაშისტური დაჯგუფებების მიმართ, რომლებიც ზიზღის იდეოლოგიას „ქადაგებენ“. - წერს ფეისბუქზე, მოკლული ვიტალი საფაროვის დედა მარინა ალანაკიანი.

მისი თქმით, „თუ ახლავე არ დავიწყებთ მათ წინააღმდეგ ბრძოლას, კიდევ უფრო გაიზრდება მსხვერპლის რაოდენობა და რაღაც მომენტში მოგვიწევს იმის აღიარება, რომ ჩვენ თვითონ არაფერი გავაკეთეთ იმისთვის, რომ ჩვენი შვილები არ მოეკლათ იმავე ქალაქის ქუჩებში, რომელიც მათ ასე ძალიან უყვარდათ.

ჩემთვის ყველაზე ძნელი ახლა წერაა. მაგრამ მე გადავწყვიტე მათ წინააღმდეგ ბრძოლა. და ვფიქრობ, რომ ყვლა ოჯახი, ყველა დედა გამიგებს და ჩემ გვერდით დადგება".

ჩვენ ყველას გვყავს შვილები და ვინ იქნება შემდეგი? - წერს სფაროვის დედა.

ვიტალი საფაროვი თბილიში 24 სექტემბერს მოკლეს. გამოძიება 108-ე მუხლით  დაიწყო (განზრახ მკვლელობა) რაც 7-15 წლამდე მდე პატიმრობას ითვალისწინებს. 

ადამიანის უფლებათა და ჩართულობისა და განვითარების ცენტრების ცნობით, ვიტალი საფაროვის მკვლელობაში ბრალდებულები ე.წ. ნეონაცისტური ჯგუფის წევრები არიან. 

საფაროვი არასამთავრობო ორგანიზაცია „ჩართულობის და განვითარების ცენტრში“ მუშაობდა. იგი, მრავალი წლის მანძილზე აქტიურად იყო ჩართული მოზარდების ტოლერანტულ ბანაკებსა და სხვა პროექტებში, რასიზმის, ქსენოფობიისა და დისკრიმინაციის წინააღმდეგ.

შს სამინისტრომ 25 წლის ვატო საფაროვის მკვლელობაში ბრალდებული ორი პირი 1 ოქტომბერს დააკავა.