საჯარო ტრანსპორტით მგზავრობის საფასურის გადახდა ყველა ბანკისა და ყველა ტიპის ქართული და უცხოური VISA და MasterCard ბარათებით იქნება შესაძლებელი - ამის შესახებ „ლიბერალს“ „საქართველოს ბანკში“ განუცხადეს.
„საქართველოს ბანკის“ ინფორმაციით, ამ ეტაპზე ტექნიკურად აღჭურვის პროცესი დასრულებულია მეტროში, რაც იმას ნიშნავს, რომ მგზავრობის საფასურ ნებისმიერი ტიპის ბარათით გადაიხდით.
რაც შეეხება ავტობუსებს, კომპანიაში აცხადებენ, რომ „მიმდინარეობს ავტობუსების ახალი გადახდის სისტემაზე გადაყვანა“.
თბილისის მერიის მიერ საზოგადოებრივ ტრანსპორტში მგზავრობის საფასურის გადახდის სისტემის მოდერნიზაციისთვის გამოცხადებულ აუქციონში „საქართველოს ბანკმა“ გაიმარჯვა. „საქართველოს ბანკმა“ გაბილეთიანების სისტემის ოპერირების უფლება 10 წლის ვადით მიიღო.
