ხვალ 1 აშშ დოლარის ოფიციალური ღირებულება 2.7026 ლარი იქნება. დღეს მოქმედი კურსით, ერთი აშშ დოლარი 2.6838 ლარი ღირს. შესაბამისად, დოლარის ცვლილებამ ეროვნულ ვალუტასთან მიმართებაში 0.0188 ლარი შეადგინა.

ლარი ევროსთან მიმართებაშიც გაუფასურდა. ხვალ 1 ევროს ღირებულება 3.1134 ლარი იქნება. დღეს მისი გაცვლითი კურსი 3.1022 ლარია. შესაბამისად, ევროს ცვლილებამ 0.0112 ლარი შეადგინა.

როგორც ჟურნალისტებს საქართველოს ეროვნული ბანკის პრეზიდენტმა კობა გვენეტაძემ განუცხადა, ეროვნულ ბანკს გააჩნია ყველანაირი ბერკეტი, რომ ინფლაცია საშუალო და გრძელვადიან პერიოდში იყოს დაბალი. ეს კი იმის გარანტია, რომ გაცვლითი კურსი სტაბილური იქნება.  მისი განმარტებით, საქართველოში მოქმედებს მცურავი გაცვლითი კურსი და ამ მცურავი გაცვლითი კურსის რეჟიმისთვის დამახასიათებელია დროებითი მერყეობები. მისი შეფასებით, ინფლაციის მაჩვენებელი მაღალი არ არის. 

"როდესაც დაასახელებთ, რომ რომელიმე პროდუქტი გაძვირდა, არ დაგავიწყდეთ, რომ ამავე დროს არსებობს ისეთი პროდუქტებიც, რომელიც გაიაფდა. აქედან გამომდინარე, ფასების დონე არის ინდექსი, რომელიც გამოითვლება კალათით. აქედან გამომდინარე, არ არის სწორი, რომ ერთი ან ორი პროდუქტის ფასის ცვლილების მაგალითზე ხდება დასკვნა, რომ ინფლაცია გაიზარდა. საქართველოში ინფლაცია არ არის მაღალი და ეროვნულ ბანკს ყველა ბერკეტი გააჩნია ეს აკონტროლოს",- განაცხადა გვენეტაძემ.